എരുമേലി : ശിശുദിനം ആഘോഷമാക്കി എരുമേലി സെന്റ് തോമസ് എൽ. പി. സ്കൂൾ കുട്ടികളും അദ്ധ്യാപകരും. ഒരു ദിവസം മുഴുവൻ നീണ്ട പരിപാടികളാണ് കുട്ടികൾക്കായി ഒരുക്കിയത്. രാവിലെ 9.30 ന് സ്കൂൾ അസം ബ്ലി യോടെ പരിപാടികൾക്ക് തുടക്കം കുറിച്ചു. സ്കൂൾ ഹെഡ്മിസ്ട്രസ് റവ. സി. റെജി സെബാസ്ട്യൻ ആമുഖ സന്ദേശം നൽകി. തുടർന്ന് കുട്ടികളുടെ ചാച്ചാജി മത്സരം നടന്നു. കുട്ടികളെ സ്നേഹിച്ച ചാച്ചാജിയുടെ ഓർമ്മ പുതുക്കുന്ന നാവ്യാനുഭവം സമ്മാനിച്ചു കൊണ്ട് ചാച്ചാജിമാർ അണിനിരന്നു. തുടർന്ന് ശിശുദിന റാലി നടന്നു. ഗാന്ധിജിയും നെഹ്‌റുവും ഭാരതാബയും പട്ടാളക്കാരും അങ്ങനെ വിവിധ വേഷധാരികൾ അണിനിരന്നു കുട്ടികൾ ശിശുദിനത്തിന്റെ ജയ് വിളികൾ ഉണർന്നപ്പോൾ ശിശുദിനം കൂടുതൽ അർത്ഥവത്താക്കി. തുടർന്ന് കുട്ടികൾക്ക് പ്രസംഗ മത്സരവും ആക്ഷൻ സോങ്ങും വിവിധ കലാപരിപാടികളും നടന്നു. സ്കൂൾ പി റ്റി എ യുടെ നേതൃത്വത്തിൽ പായസവും വിതരണം ചെയ്തു.ഏറെ ആഘോഷപൂരിതമായിരുന്നു ശിശുദിനാഘോഷമെന്നു എല്ലാവരും അഭിപ്രായപെട്ടു.