പരിസ്ഥിതി ദിനത്തിൽ പച്ചക്കറിത്തോട്ടത്തിന് നാന്ദി കുറിച്ച് ഗവൺമെൻ്റ് ഹൈസ്കൂൾ കപ്പാട്
കപ്പാട്:കാഞ്ഞിരപ്പള്ളി ഗ്രാമപഞ്ചായത്ത് കൃഷിഭവനുമായി ചേർന്ന് വിദ്യാലയത്തിൽ പച്ചക്കറിത്തോട്ടത്തിന് തുടക്കം കുറിച്ചു. കൃഷി ഓഫീസർ അർച്ചനയുടെ നേതൃത്വത്തിൽ വിവിധയിനം പച്ചക്കറി തൈകൾ സ്കൂളിൽ എത്തിക്കുകയും കുട്ടികൾക്ക് പരിസ്ഥിതി ദിന സന്ദേശം നൽകി സ്കൂളിൻ്റെ പരിസ്ഥിതി ദിനാചരണം ഉദ്ഘാടനം ചെയ്തു.
അഗ്രികൾച്ചർ അസിസ്റ്റ് ശ്രീ ഷൈൻ, ദർശന എന്നിവർ പച്ചക്കറി കൃഷിയുടെ പ്രാധാന്യത്തെപ്പറ്റി കുട്ടികളോട് സംസാരിച്ചു.സ്കൂളിലെ ഹെഡ് മിസ്ട്രസ് ഷീജ മോൾ ടി എച്ച് മുഖ്യപ്രഭാഷണം നടത്തി.പച്ചക്കറി വിത്തുകളുടെ പാക്കറ്റുകൾ വിദ്യാലയത്തിന് നൽകുകയും ചെയ്തു.കുട്ടികൾക്കായി സംഘടിപ്പിച്ച മത്സരത്തിൽ തയ്യാറാക്കിയ പരിസ്ഥിതി ദിന പോസ്റ്ററുകൾ പ്രദർശിപ്പിക്കുകയും പരിസ്ഥിതി ദിന പ്രതിജ്ഞ എടുക്കുകയും ചെയ്തു.
