പാറത്തോട് – പാറത്തോട് ഗ്രേസി മെമ്മോറിയൽ ഹൈസ്ക്കൂളിൽ ആരംഭിച്ച സമ്മർ കോച്ചിംഗ് ക്യാമ്പിൻ്റെ ഉത്ഘാടനം പാറത്തോട് ഗ്രാമ പഞ്ചായത്ത് പ്രസിഡൻ്റ് കെ.കെ. ശശികുമാർ നിർവ്വഹിച്ചു. കോരുത്തോട് എസ് എൻ ഡി പി ശാഖായോഗം വൈസ് പ്രസിഡൻ്റ് ഷൈൻകുമാർ കുമാരമംഗലം അദ്ധ്യക്ഷനായിരുന്നു. അജാസ് വാരിക്കാടൻ (ബി പി സി കാഞ്ഞിരപ്പള്ളി ) മുഖ്യപ്രഭാഷണം നടത്തി. ഗ്രാമ പഞ്ചായത്തംഗം സോഫി ജോസഫ്, ഹെഡ്മിസ്ട്രസ് ദീപ പി.ജി. പിടിഎ പ്രസിഡന്റ് ദിലീപ് ടി നായർ, റ്റി എ സൈനില്ല , ശോഭന മോഹൻ,സ്റ്റിജോ കുരുവിള, സ്റ്റാഫ് സെക്രട്ടറി അർച്ചന പി.എസ്. കായിക അദ്ധ്യാപകൻ അഭിജിത് സദാനന്ദൻ എന്നിവർ പ്രസംഗിച്ചു. വേനൽ അവധിക്കാലത്ത് രണ്ടു മാസങ്ങളിലായി രാവിലെ 7. മുതൽ 10 വരെ നടത്തപ്പെടുന്ന ക്യാമ്പിൽ അതലറ്റിക്സ്, ഫുട്ബോൾ, വോളിബോൾ, ക്രിക്കറ്റ്, ഹോക്കി, വെയിറ്റ് ലിഫ്റ്റിംഗ് തുടങ്ങിയ കായിക പരിശീലനം തീർത്തും സൗജന്യമായിരിക്കുമെന്ന് സ്ക്കൂൾ മാനേജർ പി.എൻ. സാബു അറിയിച്ചു.