എരുമേലിയിൽ 93 കാരന് വോട്ട് നിഷേധിച്ചതായി പരാതി. എരുമേലി ഓരുങ്കൽകടവ് സ്വദേശി കല്ലൂകുളങ്ങര

മാത്യു സെബാസ്റ്റ്യനാണ് വോട്ട് നിഷേധിക്കപ്പെട്ടത്. വോട്ട് ചെയ്തവരുടെ പേരുൾപ്പെടുന്ന രജിസ്റ്ററിൽ ഇദ്ദേഹത്തിന്റെ പേര് മുൻപ് തന്നെ രേഖപ്പെടുത്തിയിരുന്നതാണ് വോട്ട് നിഷേധിക്കാൻ കാരണമായത്. കനകപ്പലം നോയൽ മെമ്മോറിയൽ എൽ പി സ്കൂളിലെ 156 നമ്പർ ബൂത്തിലായിരുന്നു മാത്യു സെബാസ്റ്റ്യന് വോട്ട്.ഇതനുസരിച്ച് വൈകിട്ട് 3.30 ഓടെ വോട്ട് ചെയ്യാനെത്തിയെങ്കിലും രജിസ്റ്ററിൽ പേരുണ്ടായതിനാൽ വോട്ട് ചെയ്യാനാകില്ലന്ന് അധികൃതർ അറിയിക്കുകയായിരുന്നു. മകനോടൊപ്പമായിരുന്നു മാത്യു സെബാസ്റ്റ്യൻ പോളിംഗ് ബൂത്തിൽ എത്തിയത്. വേട്ട് നിഷേധിക്കപ്പെട്ടതോടെ ഇവർ കളക്ടറെ അടക്കം ബന്ധപ്പെട്ട് പരാതി അറിയിച്ചു മടങ്ങി. രാവിലെ ഉണ്ടായ അപകടത്തിൻ്റെ പരുക്ക് പോലും വകവയ്ക്കാതെ എത്തിയിട്ടും വോട്ട് നിഷേധിക്കപ്പെട്ടതിൽ വിഷമമുണ്ടന്ന് മാത്യുവിന്റെ മകൻ മനോജ് പറഞ്ഞു..