ക്രൈസ്തവരുടെ വലിയ നോയമ്പിന്റെ ഭാഗമായ, നാൽപതാം വെള്ളിയാചരണത്തോടനുബന്ധിച്ച് കൂവപ്പള്ളി മലബാർ കവലയിൽ ആരംഭിച്ച കുരിശിന്റെ വഴിയിൽ, കൊടും ചൂടിനെ വകവയ്ക്കാതെ നൂറുകണക്കിന് തീർത്ഥാടകർ, വിശ്വാസ തീഷ്ണതയോടെ പങ്കെടുത്തു . 109 വർഷത്തെ പാരമ്പര്യമുള്ള കുരിശു മലയുടെ മുകളിൽ തീർത്ഥാടകർ കുരിശിന്റെ വഴി പൂർത്തിയാക്കി എത്തിയപ്പോൾ, സ്ലിവാവന്ദനവും, തീർത്ഥാടകർക്ക് നേർച്ച കഞ്ഞി വിതരണവും ഉണ്ടായിരിന്നു. ഫാ വർഗീസ് പരിന്തിരിക്കൽ, ഫാ തോമസ് ആലപ്പാട്ടുകുന്നേൻ, ഫാ തോമസ് നരിപ്പാറയിൽ മുതലായവർ നേതൃത്വം നൽകി.