കാഞ്ഞിരപ്പള്ളി: ഗ്രാമ പഞ്ചായത്തും കുടുംബശ്രീയും സംയുക്തമായി ഭക്ഷണ കിറ്റുകൾ വിതരണം നടത്തി.കിറ്റ് വിതരണ ചടങ്ങിൻ്റെ ഉദ്ഘാടനം ഗ്രാമപ്പഞ്ചായത്ത് പ്രസിഡൻ്റ് കെ ആർ തങ്കപ്പൻ നിർവ്വഹിച്ചു. കാഞ്ഞിരപ്പള്ളി സർവ്വീസ് കോ-ഓപ്പറേററീവ് ബാങ്ക് സെക്രട്ടറി ഷൈജു കെ ഫ്രാൻസിസിൽ നിന്നും വ്യാപാരി വ്യവസായി ഏകോപന സമിതി യൂണിറ്റ് ജനറൽ സെക്രട്ടറിയും ടൗൺ വാർഡു മെമ്പറുമായ ബിജു പത്യാല കിറ്റ് ഏറ്റുവാങ്ങി.ആശ്രയ ലിസ്ററിൽ ഉൾപ്പെട്ടിട്ടുള്ളവരും അതി ദരിദ്രരും കിടപ്പു രോഗികളുമുൾപ്പെടെ ഗ്രാമപഞ്ചായത്തിൻ്റെ വിവിധ വാർഡുകളിലായി 200 ഓളം പേർക്കാണ് ഭക്ഷണക്കിറ്റ് വിതരണം നടത്തിയത്. ഗ്രാമപ്പഞ്ചായത്ത് വൈസ് പ്രസിഡൻ്റ് സുമി ഇസ്മായിൽ, ഗ്രാമ പഞ്ചായത്തംഗങ്ങളായ ബിജു പത്യാല, അനിറ്റാ പി ജോസ്, ഗ്രാമപ്പഞ്ചായത്ത് അസി.സെക്രട്ടറി ഷാജി പി എം,സി ഡി എസ് ചെയർപേഴ്സൺ ദീപ്തി ഷാജി, അക്കൗണ്ടൻ്റ് പ്രശാന്ത് എന്നിവർ പങ്കെടുത്തു.