കാഞ്ഞിരപ്പള്ളി: ഗ്രാമ പഞ്ചായത്തിൻ്റെ ആഭിമുഖ്യത്തിൽ ദുരന്ത നിവാരണ മുന്നൊരുക്ക പ്രവർത്തന യോഗം നടന്നു. ഗ്രാമ പഞ്ചായത്തു പ്രസിഡൻ്റ് കെ ആർ തങ്കപ്പൻ അധ്യക്ഷനായി. ഗ്രാമ പഞ്ചായത്തു സെക്രട്ടറി സീനാ പി ആർ സ്വാഗതം പറഞ്ഞു.ജനപ്രതിനിധികൾ, റവന്യു ,പൊലീസ്,ഫയർ ആൻഡ് റെസ്ക്യൂ, ഗ്രാമ പഞ്ചായത്ത്,കെ എസ് ഇ ബി, ആരോഗ്യ വകുപ്പ് ,കില,വിദ്യാഭ്യാസ വകുപ്പ് , വാട്ടർഅതോറിറ്റി ഉദ്യോഗസ്ഥർ യോഗത്തിൽ പങ്കെടുത്തു. ഗ്രാമ പഞ്ചായത്തിൽ കാലാവസ്ഥ വ്യതിയാനം മൂലമുണ്ടാകുന്ന ദുരന്തങ്ങളെ പ്രതിരോധിക്കുവാൻ ആവശ്യമായ അടിയന്തിര നടപടികളെ സംബന്ധിച്ച് യോഗം ചർച്ച ചെയ്തു.ഗ്രാമ പഞ്ചായത്ത് വൈസ് പ്രസിഡൻ്റ് സുമി ഇസ്മായിൽ, അസിസ്റ്റൻ്റ് സെക്രട്ടറി ഷാജി പി എം എന്നിവർ സംസാരിച്ചു.വികസന കാര്യ സ്റ്റാൻഡിങ് കമ്മിറ്റി ചെയർമാൻ വി എൻ രാജേഷ് നന്ദി പറഞ്ഞു.