മുണ്ടക്കയം: ഇന്നലെ മുണ്ടക്കയം മണിമലയാറ്റിൽ കാണാതായ കളപ്പുരക്കൽ തിലകൻ (46) ആയി തെരച്ചിൽ ഊർജ്ജിതമാക്കി. ഇന്ന് രാവിലെ മുതൽ കാഞ്ഞിരപ്പള്ളി ഫയർഫോഴ്സിന്റെയും സ്കൂബ ടീമിന്റെയും നേതൃത്വത്തിൽ കോസ് വേ പാലം മുതൽ തെരിച്ചിൽ ആരംഭിച്ചു. കോട്ടയത്തു നിന്നുള്ള പ്രത്യേക സംഘവും തെരച്ചിലിന് എത്തിയിട്ടുണ്ട്. ഇത് കൂടാതെ ഈരാറ്റുപേട്ട കേന്ദ്രമായി പ്രവർത്തിക്കുന്ന നന്മക്കൂട്ടം റാപ്പിഡ് റെസ്പോൺസ് ടീം ഉച്ചയോടെ മണിമലയാറ്റിൽ തെരച്ചിൽ ആരംഭിച്ചിട്ടുണ്ട്. പെരുവന്താനം പോലീസും കൊക്കയർ, മുണ്ടക്കയം പഞ്ചായത്ത് അധികൃതരും നാട്ടുകാരും തിരച്ചിലിൽ പങ്കാളികളാകുന്നുണ്ട്.അതേസമയം ഇന്ന് മഴ കുറഞ്ഞു നിൽക്കുന്നത് നേരിയ ആശ്വാസം നൽകുന്നുണ്ട്.